جبهة الرفض المأزومة

تخيلوا لو تهب الريح وتهز الأرض...

ويصير في تسونامي وتضرب فلسطين وتمحى كل الجهل والتخلّف وتجيب محلهن الثقافة والفكر...

تخيلوا أبطّل مستشرق وأبطل أفكر حالي أذكى من غيري وكمان مرة أبطل مستشرق (بالمعنى اللا نهائي للكلمة)...

تخيلوا انو بكرا مش نهاية العالم، وانما نهاية الظلم، انقلاب بموازين القوى ونصير احنا نحكي قصتنا ومش هني...

لأ! تخيلوا انو نهاية العالم بكرا عنجد نهاية العالم، يخرب العالم ومعه الثقافة واللغة (والمثقفين!)، تنتهي الحياة وينتهي كل شيء ويبدأ......

تخيلوا أبطّل متدين وأبطّل أفكّر بيوم الدين وبالمخلص و/أو المهدي، تخيلوا أبطّل اتأمل واستنى بالتغيير...

تخيلوا أبطّل انتقد بحالي، ومرة وحدة بس أكتب شو بحس عنجد، تخيلوا لو تحررت... (لأ هاي بطّلناها).. لو بطّلت ذكوري معاق، لو صرت مرة وحدة بس أحس، وأحس عنجد.

تخيلوا لو طلعت من حالي...

واتطلعت بعيون الناس..

وحكيت معكو..

لو بطلت فرد وبطلت أنا...

......

.........

تخيلوا بس لو طلعت

من الزمن، من التطور، من هذا النص

........


أستيقظ



ويغمى علي.. مرة أخرى

........

تخيلوا لو قبلت بالموجود، لو اقتنعت أني أنا أصلاَ دايمًا فايق.....

.....
..................

لأ!